Le royaume qui ne vient pas
Filosofia politikoko argitalpenak euskaraz eta frantsesez
Ipar Euskal Herria — Urepele
Oraina bizigarri egiteko behar ditugun tresna kritikoak argitaratu, itzuli eta zabaltzea.
Egitasmoa
Le royaume qui ne vient pas / Ez datorren erreinua Urepelen kokatua den argitalpen-elkartea da, Ipar Euskal Herrian.
Filosofia politikoko obrak argitaratzen ditu euskaraz eta frantsesez, arreta berezia emanez teoria kritikoari, bizi-formei, biopolitikari, merkantziari, espektakuluari eta kapitalismo garaikidearen bilakaerei.
Gure urratsa aldi berean editoriala, linguistikoa eta politikoa da: testu zorrotzak zabaldu, euskarazko filosofia-hiztegi baten osaketan parte hartu, eta liburua pentsamenduaren objektu material gisa defendatu.
Argitalpen ildoa
Gure lana zenbait ardatz kritikoren inguruan antolatzen da: gaur egungo menderakuntza-formak ulertzea, horiek pentsatzeko behar diren testuak zabaltzea, eta mundua bizitzeko beste molde batzuen aukera irekitzea.
Merkantzia eta espektakulua
Balioak, irudiak, kontsumoak eta kapitalismo garaikidearen formek existentzia nola kolonizatzen duten aztertzen duten testuak argitaratzen ditugu.
Biopolitika eta zibernetika
Bizitza administratzen duten botereei erreparatzen diegu: jokamoldeak bideratzen dituztenei, subjektibitateak moldatzen dituztenei eta mundua kalkuluaren bidez antolatzen dutenei.
Bizi-formak eta munduan-izatea
Existentziaren murrizketa funtzionalari ihes egiten diona bilatzen dugu: keinuak, erabilerak, hizkuntzak, komunitateak, presentziak eta oraina bizigarri egiteko moldeak.
Laster agertzekoak diren argitalpenak
Elkartearen argitalpen bakoitza bi ediziotan agertuko da: euskarazko edizio bat eta frantsesezko edizio bat.
La théorie du Bloom
Tiqqun
Bloomaren teoria
Tiqqun
Échapper à la totalité
Ouvrage collectif
Orotasunari ihesi
Lan kolektiboa
Elkartea sostengatu
Elkartea kideen kotizazioetan, dohaintzetan, dirulaguntza publikoetan eta bere obren zuzeneko salmentan oinarritzen da.
Sostengu bakoitzak lehen argitalpenen itzulpena, zuzenketa, maketazioa, inprimaketa eta zabalkundea finantzatzen laguntzen du.
Le royaume qui ne vient pas / Ez datorren erreinua sostengatzea, pentsamendu kritikoaren eta euskararen zerbitzura izanen den argitalpen-espazio independente, zorrotz eta elebidun baten sorreran parte hartzea da.