Testu kritikoak, euskarazko eta frantsesezko edizioak, tirada mugatuak.

Gure elebitasuna frantsesaren eta euskararen arteko testuen joan-etorrian gauzatzen da, testu bakoitzaren historia kontuan harturik. Itzulitako obrak harrera-hizkuntzan baizik ez dira argitaratzen; oraino nehon argitaratu gabeko obrak, aldiz, bi edizio bereizitan argitara daitezke, bata euskaraz eta bestea frantsesez.

Norabide horrek baieztatzen du euskara bete-betean pentsamendu kritiko garaikidearen hizkuntza dela, filosofia politikoko kontzeptu zorrotzenak hartzeko eta lantzeko gai. Gure argitalpenek gaur egungo menderakuntza-formak pentsatzeko balio duten testuak lehenesten dituzte, bereziki gai hauek lantzen dituztenak: merkantzia, espektakulua, abstrakzioa, biopolitika, zibernetika, bizitza-formak eta kapitalismo garaikidearen bilakaerak.

Liburua objektu gisa

Irakurketa gero eta gehiago fluxu, pantaila-gaineko lerratze, kontsumo laster eta desmaterializatu bilakatzen ari den mundu batean, guk kontrako hautua egiten dugu: liburua objektu iraunkor, ukigarri eta bizigarri gisa defendatzea.

Elkartearen argitalpen bakoitzari arreta berezia eskainiko diogu: maketazio zorrotza, paperaren hautu zaindua, kalitatezko fabrikazioa, landutako azala eta tirada mugatuak.

Gure liburuak atxikitzen, eskutan hartzen eta berriz irakurtzen diren objektuak izatea nahi dugu.

Eskakizun material hori ez da apaingarri hutsa. Gure argitalpen-ildoaren luzapena da: errealaren trinkotasuna defendatzea, irudiaren, fluxuaren eta datuaren bidezko murrizketaren kontra.

Testu kritiko batek bere baitan daramanari dagokion forma sentikorra ere aurkitu behar du.

Lehen titulua

Bloomaren teoria

Tiqqun


Tiqqunen La théorie du Bloom pentsamendu kritiko garaikideko testu nagusietarik bat da; Bloomaren teoria haren euskarazko itzulpena da. Lanak kapitalismo berantiarraren figura subjektiboa aztertzen du: bere ahalmenetarik bereizia, neutralizatua eta zeharkatzen duten dispositiboen eskura ezarria den norbanakoa. Testu hori euskaratzea kapitalismo garaikideak sortzen duen subjektibitatea euskaraz pentsatzeko tresna kontzeptualak lantzea da.

Lehen argitalpena sostengatu

Lehen obra horren itzulpenak, zuzenketak, maketazioak, inprimaketak eta zabalkundeak baliabide konkretuak eskatzen dituzte.

Elkartean sartuz edo kide ongile bilakatuz, Ipar Euskal Herrian argitalpen-espazio independente, elebidun eta zorrotz baten sorreran zuzenean parte hartzen duzu.

Elkartea sostengatu
Recherche
Ce site peut utiliser des cookies et des scripts externes. Plus d'informations